«Як мы сталі часткай ЕЗ і NATO, мы станем часткай еўрапейскай электрычнай сістэмы».
Аператары энергасістэм краін Балтыі збіраюцца паведаміць Беларусь і Расею аб выхадзе з энергетычнага кола БРЭЛЛ. Дакумент, у якім гаворыцца, што ў лютым 2025 года краіны не будуць падаўжаць дамову ў БРЭЛЛ, ужо падпісаны. Пра гэта паведамляе міністр энергетыкі Літвы Дайнюс Крэйвіс 16 ліпеня.
Ліст Беларусі і Расеі падпісалі кіраўнікі аператараў электрасетак «Litgrid» (Літва), «Augstsprieguma tīkls»(Латвія) і «Elering» (Эстонія).
«Сёння аператары краін Балтыі падпісалі дакумент, які афіцыйна інфармуе бакі дамовы БРЭЛЛ аб сваім рашэнні не працягваць дамову. У лютым – сумеснае тэставанне краінамі Балтыі ізаляванай працы і адлучэнне», – піша Дайнюс Крэйвіс.
Раней Міністэрства энергетыкі Літвы паведаміла, што Літва, Латвія і Эстонія да 7 жніўня паведамяць Беларусь і Расею аб выхадзе з дагавора БРЭЛЛ і сінхранізацыі з электрасеткамі кантынентальнай Еўропы.
«Мы пакідаем БРЭЛЛ. Здаецца, усяго пара лістоў і некалькі подпісаў, але за імі гады ўважлівага планавання палітычных крокаў і рэсурсаў, працяглых перамоваў, разлікаў і перакананняў, запалохвання і шантажу, не заўсёды просты рэалізацыі праектаў і, відавочна, заўсёды цвёрдага веды аб тым, што, як мы сталі часткай ЕЗ і NATO, мы станем часткай еўрапейскай электрычнай сістэмы», – сказаў Крэйвіс.
Так званае кола БРЭЛЛ аб’ядноўвае энергасістэмы Беларусі, Расеі, Эстоніі, Літвы і Латвіі. Частата электраэнергіі ў гэтым коле цэнтралізавана рэгулюецца ў Расеі. Пагадненне аб гэтым было падпісана яшчэ ў 2001 годзе.
Арсен Рудэнка belsat.eu
