Праваабаронцы прызналі палітвязнямі яшчэ 7 чалавек.
У Беларусі 9 чэрвеня ў чарговы раз павялічылася колькасць палітвязняў. Праваабаронцы прызналі палітычнымі зняволенымі яшчэ 7 чалавек.
Сярод новых палятвязняў Сяргей Індзюкоў, Павел Бялянаў, Андрэй Шульгат, Максім Плятнёў, Яўген Мерунко, Ягор Багдзевіч і Міхаіл Заранкоў.
Яны былі ўзяты пад варту ці асуджаны за абразу Аляксандра Лукашэнка, прадстаўнікоў улады і суддзяў, распаўсюду інфармацыі аб прыватным жыцці і персанальных дадзеных ці за пратэстныя надпісы.
Андрэй Шульгат быў узяты пад варту па «справе Зельцэра» за абразу прадстаўніка ўлады і за «распальванне расавай, нацыянальнай, рэлігійнай або іншай сацыяльнай варожасці або варожасці»..
Толькі ўчора, 8 чэрвеня, да спісу палітзняволеных дадалося 10 чалавек. Такім чынам колькасць палітычных зняволеных у Беларусі дасягнула 1239 чалавек.
Алена Рувіна belsat.eu
