Па стане на 22 красавіка колькасць зафіксаваных выпадкаў заражэння каронавірусам у Аршанскім раёне дасягнула 73. У большасці інфікаваных захворванне працякае ў лёгкай ці сярэдняй форме, паведамляе мясцовы цэнтр гігіены і эпідэміялогіі.
Паводле медыкаў, пасля лячэння ачунялі і выпісаныя 5 асобаў. У Аршанскім раёне правялі больш за 1300 тэстаў на каронавірусную інфекцыю, падчас якіх выявілі 73 выпадкі заражэння.
Паводле рэсурсу «Народныя навіны Віцебску», у раёне ад каронавіруснай інфекцыі памерлі тры чалавекі.
У Бешанковіцкім раёне колькасць заражэнняў каронавіруснай інфекцыяй па стане на 22 красавіка дасягнула 30 выпадкаў. У мясцовую больніцу шпіталізавалі 63 чалавекі з запаленнем лёгкіх, COVID-19 дыягнаставалі ў 6 з іх, паведамляецца на сайце райвыканкаму.
Яшчэ чатырох інфікаваных на COVID-19 выявілі ў Глыбоцкім раёне, паведамляе мясцовая раёнка.
У Паставах агульная колькасць тых, хто заразіўся дасягнула 32.
Агулам на Віцебшчыне засталіся толькі 4 раёны, з якіх не паступала паведамленняў пра COVID-19: Расонскі, Талачынскі, Чашніцкі і Шаркаўшчынскі.
Паводле Міністэрства аховы здароўя, па стане на 22 красавіка ў Беларусі зарэгістраваны 7281 выпадак каронавіруснай інфекцыі. Ачунялі і выпісаныя 769 пацыентаў, 58 чалавек памерлі.
CК belsat.eu
