У Менску адбываецца нарада ў пытаннях эканамічнай палітыкі ў «новых умовах». Лукашэнка з прадстаўнікамі ўраду абмеркаваў сацыяльна-эканамічнае жыццё ў святле заходніх санкцыяў, паведамляе БелТА.
Падчас сустрэчы меліся абмеркаваць прапанаваныя змены ў заканадаўства ў эканамічнай галіне.
«Закон законам, але без таго, каб у існай сітуацыі мы не пазбегнем таго, каб вазіць калій «мяшкамі» або дызель «бочкамі». Давядзецца закасаць рукавы і адпрацоўваць кожны кантракт уручную. Ад спецыяліста да прэм’ера», – сказаў Аляксандр Лукашэнка.
Таксама палітык адзначыў, што «ім ніхто не дапаможа», і заклікаў паплечнікаў шукаць шляхі развіцця ў сябе. Ён выказаў меркаванне, што ў цяперашніх умовах зʼявілася шмат магчымасцяў для развіцця эканомікі.
Нагадаем, што нядаўна Лукашэнка на сустрэчы з Уладзімірам Пуціным у Сочы заявіў, што санкцыі далі буйны штуршок для развіцця беларускай эканомікі.
Раман Лугоўскі belsat.eu