У Менску з мінулага тыдня масава затрымліваюць архітэктараў, ужо каля 40 затрыманых, паведамляе «Наша Ніва» са спасылкай на свае крыніцы.
Меркавана, першыя затрыманні архітэктараў пачаліся 14 лютага.
«Разам з імі затрымлівалі і чальцоў іхных сем’яў – агулам да 70 чалавек. Некаторых пасля адпусцілі», – піша выданне і сцвярджае, што імёны пяцярых архітэктараў, затрыманых у Менску, удалося пацвердзіць.
Некаторыя людзі атрымалі содні, супраць іншых заведзеныя крымінальныя справы.
«Нам вядома, што яшчэ аднаго архітэктара затрымалі пасля вяртання з-за мяжы. Прычынай затрымання, імаверна, сталі абвінавачванні ва ўдзеле ў руху за свабодныя выбары і супраць дыктатуры ў 2020 годзе», – працягвае «Наша Ніва».
Паводле праваабаронцаў «Вясны», за 2023 год на мяжы былі затрыманыя сама меней 207 асобаў, якія вярталіся ў Беларусь.
Арсен Рудэнка belsat.eu
