Аўтарытэтная брытанская газета «The Times» піша, што поспехі ўкраінскага контрнаступлення выклікалі ў заходніх урадаў і вайсковых экспертаў надзею, што вайна можа скончыцца ўжо да Калядаў.
Калі тэмпы контрнаступлення захаваюцца, то расейскія вайскоўцы могуць быць выціснутыя з Данбасу назад у Расею да канца года, лічаць у брытанскім урадзе.
Вярнуць Крым, які быў анексаваны Расеяй яшчэ ў 2014 годзе, будзе цяжэй. Яго вызваленне можа прывесці да вялікіх стратаў ЗСУ, таму ўкраінцы, імаверна, спяшацца не будуць.
У любым выпадку зімовай паўзы ў вайне чакаць не варта, адзначаецца ў артыкуле.
Глеб Нержын belsat.eu