Сейм Латвіі абвесціў 9 траўня 2022 года Днём памяці ўкраінцаў, загінулых у выніку расейскай агрэсіі, паведамляе партал «Latvijas Ziņas».
Латвійскі Сейм прыняў Закон «Аб прызначэнні Дня памяці ахвяраў і памерлых ва Украіне» на 9 траўня 2022 года.
Мэта закону – прыцягнуць увагу латвійскага грамадства да ваеннай агрэсіі Расеі ва Украіне і праявіць салідарнасць з украінскім народам у барацьбе за суверэнітэт і тэрытарыяльную цэласць Украіны.
У гэты дзень дзяржаўныя сцягі Латвіі будуць прыспушчаныя. На рэзідэнцыі прэзідэнта, будынку кабінету міністраў і Сейму размесцяць сцяг Украіны.
Дзяржаўным і мясцовым органам улады ў Дзень памяці забаронена ладзіць забаўляльныя імпрэзы. Таксама 9 і 10 траўня нельга будзе выкарыстоўваць піратэхнічныя вырабы.
ГГ, belsat.eu