Апошнім часам да праваабаронцаў даходзіць шмат інфармацыі пра затрыманні на мяжы. Так, у ноч на 22 чэрвеня на беларуска-польскай мяжы пасля праверкі тэлефонаў былі затрыманыя некалькі чалавек: іх знялі з аўтобуса і далейшыя іх лёсы невядомыя, паведамляюць праваабаронцы.
Падобны выпадак адбыўся днямі і на беларуска-літоўскай мяжы: 20 чэрвеня на памежным пункце «Катлоўка» была затрыманая жанчына, яе таксама знялі з рэйсавага аўтобуса.
Прыходзіць інфармацыя і пра ўзмоцненыя праверкі на беларуска-расейскай мяжы. Пасля праверкі пашпартоў некаторым кажуць чакаць супрацоўніка КДБ, бо чалавек знаходзіцца ў «базе экстрэмістаў». Падчас размовы супрацоўнік КДБ патрабуе тэлефоны людзей, глядзіць сацсеткі, запытваецца, дзе людзі атрымліваюць інфармацыю і на якія каналы падпісаныя, сцвярджаюць праваабаронцы.
Раней паведамлялася пра арышт некалькіх чалавек у аэрапорце «Менск», дзе ў людзей таксама правяраюць тэлефоны і рэчы.
Алена Рувіна belsat.eu