18-гадовы палітычны вязень Давід Збаранскі пабраўся шлюбам з сваёй дзяўчынай Алінай. Маладыя адзначылі вяселле 13 красавіка за кратамі, піша праваабарончы цэнтр «Вясна».
Палітвязень Давід Збаранскі зрабіў прапанову сваёй дзяўчыне падчас спаткання ў СІЗА. Аліна прыняла яго прапанову, і 13 красавіка пара пабралася шлюбам.
Давіда Збаранскага затрымалі 30 лістапада 2020 года. На той момант юнаку было ўсяго 17 гадоў. Але нягледзячы на гэта хлопца абвінавацілі паводле ч. 2 арт. 293 КК («Удзел у масавых беспарадках»). Палітвязня судзілі за ўдзел у масавых беспарадках у Берасці 10 жніўня 2020 года і прысудзілі яму 3 гады калоніі. Пакаранне палітвязень адбывае ў бабруйскай калоніі.
26 красавіка Давід адзначыць свой Дзень народзінаў. Яму споўніцца 19 гадоў.
Павіншаваць і падтрымаць палітвязня можна лістом:
ПК № 2, 213800 Бабруйск, Сікорскага 1, Давід Сяргеевіч Збаранскі
