Аршанскі рэгіянальны партал Orsha.eu таксама паведамляе пра затрыманне сілавікамі прадстаўнікоў субкультуры «ЧВК Редан».
Паводле выдання, 1 сакавіка міліцыянты хадзілі па навучальных установах, дзе расказвалі падлеткам пра небяспеку гэтай субкультуры. Аналагічныя паперкі зачытвалі настаўнікі.
Увечары ж у горад выйшлі міліцэйскія патрулі з загадам затрымліваць маладых людзей з атрыбутыкай руху «ЧВК Редан». Вядома пра некалькі затрыманняў, але дакладная колькасць невядомая.
Таксама ходзяць чуткі пра першыя сутычкі паміж прыхільнікамі «ЧВК Редан» і іх апанентамі.
Першыя затрыманні прадстаўнікоў анімэ-субкультуры «ЧВК Редан» пачаліся ў канцы лютага. Гэтак, у Гомлі затрымалі 200 асобаў, у Берасці – 52. Таксама вядома пра затрыманні ў Менску і Рэчыцы.
Большасць затрыманых – няпоўнагадовыя. Іх абяцаюць ставіць на «ўлік» у міліцыі, а больш старэйшым пагражаюць адміністратыўнай адказнасцю. У Гомлі пачатая крымінальная справа за арганізацыю і рыхтаванне дзеянняў, што нібыта груба парушаюць грамадскі парадак.
Якуб Хруст belsat.eu