Падкантрольныя сілавікам тэлеграм-каналы апублікавалі «пакаяннае відэа» дырэктара аўтамабільнага цэнтра «Энергія ГмбХ» – дыстрыб’ютара Mercedes-Benz у Беларусі.
Паводле інфармацыі з адкрытых крыніц, дырэктарам аўтацэнтра «Энергія ГмбХ з’яўляецца Сяргей Даніловіч.
На «пакаянным відэа» мужчына кажа, што ён удзельнічаў у пратэстах 2020 году і пералічваў грошы ў «Фонд Салідарнасці». Таксама затрыманага прымушаюць назваць свой заробак.
Сілавікі пры гэтым не ўдакладняюць, па якіх артыкулах крымінальнага або адміністратыўнага кодэксу пераследуюць дырэктара аўтацэнтру
Па стане на 7 снежня ў Беларусі ў месцах пазбаўлення волі знаходзяцца больш за 1450 чалавек, якія былі прызнаныя праваабарончай супольнасцю палітвязнямі.
Глеб Нержын belsat.eu