Гарэла нават каля саркафагу ў Прыпяці: пажары на мяжы з Украінай узнікаюць адзін за адным, але ўлады гавораць не ўсё

Гарачае надвор’е і сухое паветра спрыяюць новай хвалі пажараў на поўдні Беларусі. Асабліва напружаная сітуацыя – у Лельчыцкім раёне на Гомельшчыне. Летась тут таксама гучала трывога з прычыны агню, але цяпер маштабы і частата выпадкаў набываюць сістэмны характар. Некаторыя пажары пераходзяць з тэрыторыі суседняй Украіны, а ў асобных выпадках – застаюцца без тлумачэння прычынаў з боку ўладаў.