Супрацоўнік міліцыі атрымаў цяжкія траўмы і знаходзіцца ў шпіталі
У шклоўскім РУУС адбылося надзвычайнае здарэнне. Паводле слоў мясцовых жыхароў, у кабінеце будынку падчас допыту мужчына ўчыніў падпал. Супрацоўнік міліцыі атрымаў цяжкія траўмы і знаходзіцца ў шпіталі, паведамляе тэлеграм-канал СК. Мужчына, які здзейсніў падпал, верагодна загінуў.
Відавочцы здарэння паведамляюць, што мужчыну выклікалі на допыт па справе аб крадзяжы бензапілы, а ён падпаліў сябе і міліцыянта. У кабінеце адбыўся пажар, ад чаго засталіся сляды на будынку. Верагодна, што мужчына пранёс у міліцэйскі будынак бензін.
Супрацоўнік міліцыі атрымаў апёкі 90% цела і знаходзіцца ў раённай лякарні. Супрацоўнікі шклоўскай ЦРШ паведамілі, што туды паступіў супрацоўнік міліцыі 1995 года нараджэння з апёкамі цела.
,,«Ён у рэанімацыі, а той, хто зладзіў падпал, здаецца як памёр», – распавялі ў лякарні выданню zerkalo.io.
Паводле папярэдняй інфармацыі, пацярпелага супрацоўніка клічуць Дзмітрый Хадарэнка, яму 27 гадоў.
Следчае ўпраўленне УСК па Магілёўскай вобласці паведамляе, што па факце здарэння праводзяць праверку.
Раман Лугоўскі belsat.eu
