Твор утрымлівае антываенную лірыку
Макс Корж выпусціў сінгл пра вайну ва Украіне. Беларускі музыка прэзентаваў кампазіцыю «Свой дом» на ўласным YouTube-канале. Твор утрымлівае антываенную лірыку.
Ад 24 лютага, калі Расея пачала поўнамаштабнае ўварванне на тэрыторыю Украіны, Макс Корж асудзіў агрэсію. На ўласнай старонцы ў Instagram музыка напісаў, што «асуджае ўварванне і бамбаванне суверэннай дзяржавы».
Свае разважанні на тэму вайны Корж падсумоўвае рытарычным пытаннем: «Што ж вы нарабілі? Вы ж самі гэтага не разумееце».
Нагадаем, што ў жніўні 2020 года Макс Корж неадназначна выказваўся аб пратэстах пасля выбараў. Музыка нават заклікаў пратэстоўцаў «спыніць дзвіж, бо далей будуць толькі трупы».
Таксама ў 2020-м Корж выпусціў сінгл «Цеплыня» аб падзеях жніўня 2020 года ў Беларусі.
Раман Лугоўскі, belsat.eu
