Працэс мае распачацца а 10-й гадзіне ў Гомельскім абласным судзе.
Стала вядомая дата пачатку суду над журналісткай Ірынай Слаўнікавай. Працэс мае распачацца а 10-й гадзіне 23 чэрвеня ў Гомельскім абласным судзе.
Ірыну Слаўнікаву абвінавачваюць у тым ліку ў «кіраўніцтве экстрэмісцкім фармаваннем». Журналістку абвінавачваюць адразу паводле двух артыкулаў КК:
Былая супрацоўніца «Белсату», а цяпер штатная супрацоўніца Польскага тэлебачання (TVP) была прызнаная палітвязнем.
Нагадаем, што Ірына Слаўнікава была затрыманая напрыканцы кастрычніка 2021 года ў Нацыянальным аэрапорце пасля вяртання ў Менск з адпачынку ў Егіпце разам са сваім мужам. Першапачаткова пара была асуджаная да 15 содняў арышту за публікацыю ў Facebook «экстрэмісцкага кантэнту». Гаворка ішла пра матэрыялы «Белсата» перыяду, калі тэлеканал яшчэ не быў прызнаны экстрэмісцкім.
Агулам Ірыне Слаўнікавай пагражае да 7 гадоў зняволення.
Раман Лугоўскі belsat.eu
