Ізраіль ліквідаваў высокапастаўленага іранскага афіцэра. Іран пагражае адпомсціць
У выніку ізраільскага авіяўдару 25 снежня каля сталіцы Сірыі Дамаска быў забіты высокапастаўлены дарадца іранскага Корпусу вартаўнікоў ісламскай рэвалюцыі Саед Рэза Мусаві. Пра гэта паведамляе Reuters.
Саед Разі Мусаві каардынаваў вайсковую супрацу паміж Сірыяй і Іранам. Дзяржаўнае тэлебачанне Ірана перапыніла сваю эфір, каб абвясціць, што Мусаві быў забіты.
Цяпер Тэгеран абяцае пакараць Ізраіль. «Безумоўна, узурпатарскі і варварскі сіянісцкі рэжым заплаціць за гэтае злачынства», – заявіў прэзідэнт Ірана Эбрахім Раісі, піша «The Jerusalem Post».
Медыі паведамляюць, што Мусаві адказваў за фінансаванне і пастаўкі зброі праіранскім узброеным фармаванням у рэгіёне, у тым ліку ліванскай «Хізбуле». Мусаві быў сябрам і паплечнікам камандуючага спецпадраздзялення «Аль-Кудс» у складзе КВІР Касэма Сулеймані, які быў забіты ў 2020 годзе ў Багдадзе ў выніку амерыканскага авіяўдару.
Глеб Нержын belsat.eu
