Смяротнае пакаранне пратэстоўцаў у Іране ды выгляд на Млечны Шлях. Галоўныя здымкі

Прэзідэнт Украіны Уладзімір Зяленскі падчас сустрэчы з прэзідэнтам Польшчы Анджэем Дудай. 11 студзеня стала вядома, што ў межах міжнароднай кааліцыі Польшча перадасць Украіне роту танкаў «Leopard 2». Львоў, Украіна.

Трэнеры стаяць на лесвіцах і глядзяць у біноклі падчас трэніроўкі мужчын па хуткасным спуску на этапе Кубка свету па гарналыжным спорце ля вёскі Вэнген (Wengen), Швейцарыя.

Варонка на зямлі пасля расейскага ракетнага ўдару, які адбыўся ўначы і пашкодзіў 39 дамоў у Запарожжы, Украіна.

Две машыны праваліліся ў яму з-за праліўнога дажджу, які размыў дарогу ў штаце Каліфорнія. Спатрэбілася больш за 50 пажарных, каб выцягнуць чатырох пасажыраў з велічэзнай ямы. Чэтсўорт (Chatsworth), ЗША.

Украінскія вайскоўцы з тэрытарыяльнай абароны Валыні праходзяць вучэнні ля мяжы з Беларуссю. Валынская вобласць, Украіна.

Кіроўца пікапа сочыць за штогадовымі гонкамі на вярблюдах «Wadi Zalaga» у рэгіёне Паўднёвага Сіная. Машыны ідуць за гоншчыкамі вельмі блізка, даючы інструкцыі і накіроўваючы іх падчас спаборніцтваў. Паўднёвы сінай, Егіпет.

Гіганцкая скульптура багамола на парадзе «Казуркі» («Insectes») падчас міжнароднага фестывалю «Teatro a Mil» у Сант’яга, Чылі.

Кардонная труна ў памяць аб ахвярах мінулых пратэстаў ляжыць перад паліцыяй падчас акцыі пратэсту супраць ураду прэзідэнткі Перу Дзіны Балюартэ. Ліма, Перу.

Штучны скаладром у манастыры аблатаў Беззаганнай Марыі ў Парыжы, Францыя.

Байкер удзельнічае ў спаборніцтвах на 10-м этапе ралі «Дакар-2023» у Саудаўскай Аравіі.

Іранец Маджыд Казэмі (Majid Kazemi) ў залі суда пасля вынясення смяротнага пакарання. Як мяркуюць іранскія ўлады, Маджыд разам з Саідам Ягубі (Saeid Yaghoubi) і Салехам Міргашэмі (Saleh Mirhashemi) вінаватыя ў забойстве сяброў ваенізаванай арганізацыі «Басідж», якія ўдзельнічалі ў падаўленні антыўрадавых пратэстаў, якія пачаліся ў выніку смерці 22-гадовай Магсы Аміні з-за няправільнага нашэння хіджабу. Ісфахан, Іран.

Сабака сядзіць на даху свайго прытулку ў сабачым двары ў даліне Больтэрдален (Bolterdalen), Шпіцбэрген, Нарвегія.

Пешаход з парасонам праходзіць міма флагманскай кнігарні «Waterstones», дзе прадаецца кніга «Запасны» («Spare») брытанскага прынца Гэры. У мемуарах, якія выклікалі скандал яшчэ да рэлізу, прынц распавядае падрабязнасці жыцця каралеўскай сям’і ды нечаканыя дэталі са свайго мінулага. Лондан, Вялікая Брытанія.

Птушыная Дарога (Млечны Шлях) асвятляе начное неба ў нацыянальным парку Маўнт-Райнір (Mount Rainier). Штат Вашынгтон, ЗША.