У Грэцыі акцыя памяці ахвяраў чыгуначнай катастрофы скончылася масавымі беспарадкамі
У Афінах адбыліся сутыкненні паміж паліцыяй і дэманстрантамі пасля мітынгу ў памяць аб ахвярах трагедыі чыгуначнай катастрофы. Сілавікоў атакавалі бутэлькамі з запальнай сумессю і камянямі, паліцыянты ўжылі слезацечны газ і светлашумавыя гранаты, пішуць мясцовыя медыі.
Паводле розных ацэнак, у акцыі памяці ў Афінах узялі ўдзел ад 7 да 15 тысячаў асобаў. Беспарадкі пачаліся пасля мітынгу. Дэманстранты ўжывалі бутэлькі з запальнай сумессю, камяні і фаеры, сілавікі – светлашумавыя гранаты і слезацечны газ.
У месцах сутыкненняў пашкоджаныя вітрыны крамаў і аўтобусныя прыпынкі.
Папярэдне паведамляецца пра семярых параненых паліцыянтах. Затрыманыя шасцёра дэманстрантаў.
Чыгуначная аварыя здарылася ўвечары 28 лютага. На поўначы краіны сутыкнуліся пасажырскі і грузавы цягнік. Загінулі 57 асобаў.
Прычынай катастрофы стаўся чалавечы фактар, а таксама агульная занядбанасць чыгуначнай інфраструктуры.
Сёння прэм’ер-міністр Грэцыі Кірыякас Міцатакіс папрасіў прабачэння ў сваякоў загінулых.
Сяргей Крот belsat.eu
