У фінале Турніру шасці нацыяў у венгерскім Будапэшце зборная Беларусі абыграла Францыю і заняла першае месца. Пра гэта паведамляе сайт Федэрацыі хакею.
Мінімальную перамогу ў фінальным матчы беларускай камандзе прынёс дубль Андрэя Касціцына і шайба Арцёма Дзямкова – 3:2.
Раней на турніры зборная Беларусі перамагла Украіну (4:1) і Паўднёвую Карэю (6:5).
Паўднёвыя карэйцы ў выніку сталі трэцімі, адолеўшы ў матчы за «бронзу» японцаў, а ўкраінцы фінішавалі апошнімі, прайграўшы ў стыку за пятую пазіцыю вугорцам.
МГ belsat.eu