Адпаведную лічбу назваў міністра аховы здароўя Дзмітрый Піневіч. Трохі больш за тыдзень таму ў міністэрстве казалі, што пад COVID-19 задзейнічана каля 30% ложкавага фонду.
«У ходзе эпідэміі аказанне спецыялізаванай медычнай або, скажам так, яе неперарыванне – адметная рыса нашай мадэлі. Па ўсёй краіне перапрафіляваныя крыху больш за 40% ложкавага фонду. Але ўсе РНПЦ у поўным аб’ёме працягваюць аказваць планавую дапамогу. Абласныя шпіталі таксама аказваюць планавую дапамогу, пры гэтым яны часткова перапрафіляваныя пад інфекцыйную паталогію для пацыентаў з COVID-19», – цытуе Дзмітрыя Піневіча Telegram-канал Мінздароўя.
Піневіч заявіў, што мы жывем «у ваенны час», бо «пандэмія – гэта вайна». Але, паводле міністра, ёсць моманты, «якія даюць нам асцярожны аптымізм».
«Самі па сабе тэмпы прыросту захворвання трохі памяншаюцца. У апошні тыдзень мы бачым вельмі нязначную, але тэндэнцыю па зніжэнні тэмпаў шпіталізацыі пацыентаў у стацыянары. Адзін з важных кампанентаў – на некалькі чалавек у суткі зніжаецца колькасць пацыентаў, якія знаходзяцца на апаратах ШВЛ», – падкрэсліў ён.
Піневіч сцвярджае, што ўжо больш за 27% беларусаў зрабілі першую дозу вакцыны.
«Можна спрачацца пра вакцынацыю колькі заўгодна. Але з рэаніматолагамі, якія кожны дзень лечаць самых цяжкіх пацыентаў, спрачацца вельмі складана, а з патолагаанатамамі – бессэнсоўна», – дадаў ён.
ІІ belsat.eu
