Міністр замежных справаў Латвіі Эдгар Рынкевіч своеасаблівым чынам павіншаваў у Twitter суседнюю РФ з Днём Расеі.
«Сёння Расея адзначае Дзень Расеі, зычу паразы ў агрэсіўнай вайне супраць Украіны, адмовы ад імперскіх амбіцыяў і пабудовы сучаснай, дэмакратычнай і прававой дзяржавы», – заявіў палітык.
Між тым Аляксандр Лукашэнка, наадварот, заявіў, што ў складаных геапалітычных умовах РФ упэўнена абараняе свае нацыянальныя інтарэсы, паспяхова рэалізуе планы забеспячэння дынамічнага сацыяльна-эканамічнага развіцця.
«Патрыятызм і згуртаванасць грамадзянаў, падтрыманне і высокі ўзровень даверу да курсу, што праводзіць кіраўніцтва краіны, – годны адказ на недружалюбныя дзеянні, што прымаюцца адносна Расеі. Не сумняваюся, што расейцы, як гэта было неаднаразова ў гісторыі, устойліва пераадолеюць усе цяжкасці і выпрабаванні», – адзначыў Лукашэнка.
Ён пазычыў Уладзіміру Пуціну моцнага здароўя, дабра і дабрабыту, а жыхарам Расеі – міру і згоды.
Якуб Хруст belsat.eu