У затопленых раёнах Гомельшчыны ратаўнікі ТРВОД і працаўнікі МНС стварылі лодачную пераправу. Ратаўнікі штодня робяць сотні рэйсаў, каб вывезці з затопленых дамоў жыхароў і іхную маёмасць, піша выданне «Belkagomel».
Адмысловую лодачную пераправу стварылі службы ТРВОД і МНС. Ратаўнікі дапамагаюць жыхарам дамоў, якія пацярпелі ад паводкі.
«У Манастырку арганізаванае дзяжурства чатырох пастоў. Учора хлопцы працавалі да гадзіны ночы, з шостай раніцы – зноў на пастах. Асноўныя пасажыры лодачнай пераправы – мясцовыя жыхары, якім трэба на працу або вучобу», – кажа старшыня абласной арганізацыі ТРВОД Павел Новік.
Ратаўнікі вывозяць не толькі людзей, але і іхную маёмасць. На лодках перапраўляюць мэблю, побытавую тэхніку. Таксама вывозяць хатнюю жывёлу.
Вада ў Сожы паднялася да максімальных паказнікаў, і пры гэтым паводка працягваецца.
Алена Аляксандрава belsat.eu
