Чым запомніўся Калавур? Утаймаваная інфляцыя, паспяховая дэнамінацыя, канфлікт з Мацюшэўскім

Шмат хто з беларусаў памятае «прыкмету», звязаную з колішнім старшынём праўлення Нацбанку Пятром Пракаповічам: калі той казаў, што «дэвальвацыі не будзе», трэба было бегчы ў абменнік купляць долары. Павел Калавур такім не запомніцца, і наўрад ці запомніцца звычайнаму беларусу хоць нечым. А для такой пасады гэта ўжо вялікае дасягненне: было адносна стабільна.