Лукашэнка заспяваў песню пра Галіну. Гэтаксама завуць ягоную жонку, што жыве на вёсцы

ВІДЭА

Кіраўнік краіны заспяваў разам з выканаўцам Віталём Варанком пад акампанемент сучаснага беларускага баяна-сінтэзатара, які падключаецца да калонак праз Wi-Fi і можа замяніць цэлы аркестр.

Дуэт яны выканалі на прэзентацыі айчынных музычных інструментаў.

«Растет-растет возле дома калина,

Растет-растет на мою на беду,

Живет-живет в этом доме Галина,

А я никак всё туда не дойду», – крыху не ў такт падпяваў ён.

Песня «Растет калина» сталася папулярнаю дзякуючы савецкаму выканаўцу Мікалаю Гнацюку.

“На голове полным-полно волос седых,

Да кружит злое вороньё,

Встречал я женщин умных, сильных, молодых,

Да нет похожих на неё.

Промчались годы молодые, ну и пусть,

И наше счастье ещё будет впереди,

А я вернусь, я обязательно вернусь,

Ты только жди, ты только жди”

– гэтыя словы з песні маглі б ілюстраваць дачыненні Галіны і Аляксандра Лукашэнкі.

Жонку Аляксандра Лукашэнкі, як і гераіню песні, завуць Галіна. Яна жыве ў вёсцы Рыжкавічы ў Шклоўскім раёне. Першая лэдзі краіны не суправаджае Лукашэнку ў ягоных замежных паездках і не з’яўляецца на публіцы. Галіна і Аляксандр Лукашэнкі маюць дваіх дзяцей – Дзмітрыя і Віктара. Яны займаюць дзяржаўныя пасады.

Хто з’яўляецца маці малодшага сына Лукашэнкі – Мікалая, трымаецца ў таямніцы.

Лукашэнка спадзяваўся на падтрыманне з боку віцэ-прэмʼера Ігара Петрышэнкі і міністра культуры Юрыя Бондара, якія сціпла стаялі побач. Але яны, відаць, не ведалі рэфрэну шлягеру.

Лукашэнка дарэчы – зацяты баяніст. Граць на гэтым інструменце ён пачаў яшчэ ў школьныя гады. Тады ён пісаў вершы ды цікавіўся гісторыяй. Але нешта пайшло не так.

Стала вядома, якая была любімая песня Лукашэнкі ў школе

ДР belsat.eu

Глядзі таксама
Каментары