Відэа: што думаюць менчукі пра міліцыю
Кіраўнік Міністэрства ўнутраных спраў Ігар Шуневіч заявіў, што нашую краіну нельга назваць «паліцэйскай дзяржавай». Паводле яго, на 100 тысяч грамадзянаў у Беларусі прыходзіцца 405 прадстаўнікоў міліцыі. Гэта, падкрэсліў Шуневіч, супастаўляльна з еўрапейскімі краінамі. Ён таксама дадаў, што ў ведамстве распрацаваны план аптымізацыі колькасці супрацоўнікаў і іх колькасць будзе скарачацца.
- Няспынныя скандалы з інспектарамі ДАІ. Гэтым разам – забойства
- У Беларусі можа пачацца антыміліцэйскі Майдан
- Лоеўскі тупік і агрэсіўная міліцыя
Мы распыталі мінакоў, каго ж, на іх думку, бароняць беларускія праваахоўнікі.
«У майго мужа толькі нядаўна скончылася разбіральніцтва наконт таго, што яго незаконна затрымала ДАІ, таму дакладна ведаю, што маю сямʼю супрацоўнікі міліцыі не абараняюць», – кажа маладая жанчына.
«Яны абараняюць сваіх, і нешта хаваюць. Але праз тое, што інфармацыя ў сацсетках распаўсюджваецца, утаіць нічога немагчыма. Таму калі яны трапляюць, то па поўнай праграме», – выказваецца мужчына.
«Яны ніколі не абаранялі народ, заўсёды было негатыўнае стаўленне да іх», – мяркуе яшчэ адзін мянчук.
«Вядома, абараняюць уладу», – гаворыць малады чалавек.
Больш адказаў у відэа.
- Міліцыянты скралі $ 12. Сустрэча праўладнага Саюза пісьменнікаў Беларусі скончылася затрыманнямі
- Падлетку, якога вінавацілі ў збіцці амапаўца, далі 2 гады
- Міліцыянт збіў назіральніцу пры спробе зафіксаваць карусель
У інтэрнэце цяпер збіраюць подпісы за адстаўку кіраўніка МУС. За адхіленне яго ад пасады ўжо прагаласавалі больш за 4 тысячы беларусаў. У сваім звароце стваральнікі петыцыі апісваюць больш за дзясятак гісторыяў, у якіх менавіта міліцыянты былі датычныя да абразаў, калецтва ды нават смерці грамадзянаў. Пры гэтым усе гісторыі адбыліся сёлета.
ДР belsat.eu
