Журы літаратурнай прэміі імя Ежы Гедройца абвесціла шорт-ліст, у які ўвайшлі шэсць кнігаў.
Пра гэта паведамляе афіцыйны сайт прэміі.
У шорт-ліст увайшлі:
Бахарэвіч Альгерд. «Белая муха, забойца мужчын».
Пашкевіч Алесь. «Рух».
Скарынкіна Таня. «Шмат Чэслава Мілаша, крыху Элвіса Прэслі».
Шчур Макс. «Завяршыць гештальт».
Абвяшчэнне і ўшанаванне пераможцаў сёлета мелася адбыцца ў чэрвені, але толькі ў пачатку лета быў абвешчаны доўгі спіс.
Прыз за першае месца – грашовая ўзнагарода, памер якой кожны год вызначае «Ідэя Банк». За другое месца – пераклад твора на польскую мову альбо творчая стыпендыя ў Доме творчасці пісьменнікаў у Швецыі. За трэцяе месца прадугледжана творчая стыпендыя ў Вэнтспілсе (Латвія).
Папярэднімі ўладальнікамі галоўнай прэміі былі Павел Касцюкевіч, Уладзімір Някляеў, Віктар Казько.
Прэмія Гедройца прысуджаецца штогод за найлепшую кнігу, напісаную на беларускай мове, у жанрах «мастацкая проза» і «эсэістыка». Арганізатарамі конкурсу з’яўляюцца Беларускі ПЭН-цэнтр, Саюз беларускіх пісьменнікаў, Пасольства Рэспублікі Польшча ў Рэспубліцы Беларусь, Польскі Інстытут у Менску. Фундатары ўзнагарод – «Ідэя Банк» і Калегіум Усходняй Еўропы ва Вроцлаве.
МЯ, паводле gedroyc.by