Кангрэсмен з бензапілой і габрэйскае святкаванне ў Іерусаліме. Галоўныя здымкі тыдня

Аргентынскі кангрэсмен і кандыдат на прэзідэнцтва Хавіер Мілей размахвае бензапілою падчас перадвыбарчага мітынгу ў Сан-Марціне, Аргентына.

Хлопчык, этнічны армянін з Нагорнага Карабаху, назірае за тым, што адбываецца на вуліцах армянскага гораду Гарыс, куды прыбываюць уцекачы з Нагорнага Карабаху.

Пажарнікі спрабуюць пагасіць пажар у лясным масіве ля Ірандубы, Бразілія. Урад краіны абвясціў надзвычайнае экалагічнае становішча 12 верасня праз вялікую колькасць пажараў і моцную засухі на рэках, што моцна паўплывала на карабельства.

Габрэі ў Іерусаліме рыхтуюцца да свята Сукот, якое надыходзіць праз пяць дзён пасля Ём-Кіпуру.

Украінскія кадэты падчас цырымоніі прысягі ля помніку князю Уладзіміру ў Кіеве.

Акцыя падтрымання былога прэзідэнта ЗША і кандыдата на прэзідэнцтва ад Рэспубліканскай партыі Доналда Трампа ў Клінтане, ЗША. Трамп здзейсніў махлярства, неаднаразова завышаючы кошт сваёй нерухомасці на мільёны долараў. Такое прамежкавае рашэнне вынес суд штату Нью-Ёрк у грамадзянскім пазове супраць былога прэзідэнта ЗША і ягонай сям’і. Пазоў падала пракуратура штату, якая сцвярджае, што падчас прадпрымальніцкай дзейнасці Трамп цягам гадоў падманваў банкі і страхавыя кампаніі.

Дзеці раскладваюць гранатавае зерне на полі каля Аргандабу, Афганістан.

Мусульманскія вернікі падчас дэманстрацыі рэліквіі, якая, як мяркуюць, ёсць воласам з барады прарока Мухамэда. Падзея адбываецца падчас сходу з нагоды свята Ід-Міляд-ан-Набі, або Маўлід, што адзначаюць у гадавіну нараджэння прарока ў мячэці Газрабталь у Шрынагары, Індыя.

Палестынцы сектару Газа адказваюць на ізраільскае ўмяшанне падчас дэманстрацыі супраць ізраільскіх налётаў на мячэць Аль-Акса.