У будынку хімічнага факультэту Ерэванскага дзяржаўнага ўніверсітэту раніцаю 17 лістапада прагрымеў выбух. Паводле папярэдніх звестак, адзін чалавек загінуў, трое – у шпіталі.
Пацярпелых шпіталізавалі з апёкамі. Стан аднаго з іх ацэньваецца як вельмі цяжкі.
У МУС краіны гавораць, што выбух адбыўся ў склепе – там быў рамонт.
«Цяпер пажар пагашаны, праводзяцца адпаведныя захады. Пазней мы зробім дадатковую заяву», – заявіў прэс-сакратар універсітэту Кнар Місак’ян. Паводле папярэдняй версіі, пажар узнік праз перапады напружання.
СП, belsat.eu