Увечары 12 сакавіка расейская армія ўчыніла ракетны ўдар па жылым раёнам Крывогу Рогу. Паводле папярэдняй інфармацыі, загінулі трое мірных жыхароў, 38 атрымалі раненні.
Мэр Крывога Рогу Аляксандр Вілкул паведамляе, што ў выніку расейскай атакі было зафіксавана як мінімум тры «прылёта». Адна ракета трапіла ў 9-павярховы дом, распачаўся пажар. Ёсць забітыя і параненыя.
Яшчэ адна ракета трапіла ў дах 5-павярховага дому ў Металургічным раёне гораду.
Кіраўнік Днепрапятроўскай АДА Сяргей Лысак паведамляе, што, паводле папярэдняй інфармацыі, загінулі два чалавекі. Шпіталізаваныя больш за тры дзясяткі. Пяцёра пацярпелых адразу накіравалі аперацыйную, у тым ліку дзіця.
Пазней Лысак распавёў, што колькасць загінулых вырасла да трох чалавек, а колькасць параненых – да 38 (у тым ліку 10 дзяцей).
Тэлеграм-канал «СВОЇ | Кривий Ріг» паведамляе, што ў адным з раёнаў гораду знікла святло.
Глеб Нержын belsat.eu
