Палітвязень Яўген Цітоў адбыў пакаранне на «хіміі» і 12 студзеня выйшаў на волю, паведамляе праваабарончы цэнтр «Вясна».
Жыхар Жлобіна Яўген Цітоў адбываў прысуджаны яму 1 год абмежавання волі ў папраўчай установе адкрытага тыпу № 49 у Шклове.
28-гадовага мужчыну затрымалі 21 студзеня 2021 году і прысудзілі да «хіміі» за знявагу дзяржаўных сімвалаў (арт. 370 КК) – за тое, што сарваў дзяржаўны чырвона-зялёны сцяг.
30 ліпеня 2021 году ён быў прызнаны палітвязнем. Яўген Цітоў правёў у няволі 358 дзён.
ЗК