Служба бяспекі Украіны (СБУ) паведаміла, што падазрае кіраўніка Рускай праваслаўнай царквы патрыярха Кірыла ў злачынствах па трох крымінальных артыкулах. У тым ліку ў замаху на тэрытарыяльную цэласнасць і недатыкальнасць Украіны. Патрыярху Кірылу ўжо паведамілі пра ягоны статус.
«СБУ і Офіс генеральнага пракурора сабралі доказы ў дачыненні кіраўніка Рускай праваслаўнай царквы Уладзіміра Гундзяева (вядомага як Кірыл), які прапагандуе ўзброеную агрэсію РФ і адмаўляе ваенныя злачынствы акупантаў», – гаворыцца ў паведамленні Службы бяспекі Украіны.
Паводле следства, маскоўскі патрыярх уваходзіць у найбліжэйшае атачэнне вышэйшага вайскова-палітычнага кіраўніцтва Расеі і адным з першых публічна падтрымаў поўнамаштабную вайну супраць Украіны. Ён выкарыстоўвае для прапаганды падкантрольныя яму рэлігійныя суполкі РПЦ на тэрыторыі РФ, а таксама прадстаўнікоў Украінскай праваслаўнай царквы Маскоўскага патрыярхату (УПЦ МП) ва Украіне.
У сакавіку 2022 года на сайце РПЦ быў апублікаваны артыкул пра літургію, падчас якой патрыярх блаславіў на вайну супраць Украіны кіраўніка Расгвардыі Золатава, а напрыканцы лютага 2023 года быў апублікаваны ролік, у якім ён апраўдваў акупацыю ўсходу Украіны. СБУ зазначае, што кіраўнік РПЦ неаднаразова заклікаў вернікаў да адзінства ў вайне супраць Украіны.
СБУ паведамляе, што праверка пацвердзіла факты злачыннай дзейнасці патрыярха Кірыла. Яго падазраюць у злачынствах па трох крымінальных артыкулах:
Паводле СБУ, з пачатку поўнамаштабнай агрэсіі Расеі супраць Украіны было распачата 70 крымінальных справаў у дачыненні УПЦ МП, 16 з якіх – супраць мітрапалітаў гэтай царквы.
Зміцер Міраш belsat.eu