Вярхоўны суд Вялікай Брытаніі: Барыс Джонсан незаконна прыпыніў працу парламента


Вярхоўны суд Брытаніі прыняў рашэнне, паводле якога прэм’ер-міністр Барыс Джонсан прызнаецца вінаватым у злоўжыванні ўладай. На думку судзейскай калегіі, ён неправамерна адправіў парламент на доўгі адпачынак, паведамляе Бі-Бі-Сі.

Судзейская калегія прызнала рашэнне прэмʼер-міністра аб адпраўцы парламента на перапынак да 14 кастрычніка неправамоцным.

Брытанская каралева прыпыніла працу парламенту па просьбе Барыса Джонсана

Старшыня Вярхоўнага суда абвясціла, што ўрад не прадʼявіў абгрунтаванняў, навошта яму спатрэбілася перад самым запланаваным выхадам краіны з Еўразвязу абʼяўляць прарагацыю (адтэрмінаванне паседжанняў парламенту) на пяць тыдняў, калі нармальная працягласць прарагацыі – некалькі дзён.

Брытанскі парламент забараніў жорсткі Brexit

Таму ўсе 11 суддзяў калегіі аднагалосна вырашылі, што прарагацыя была незаконнай, і абвесцілі яе юрыдычна несапраўднай.

Лондан можа атрымаць ад Бруселю адтэрміноўку на Brexit яшчэ на год

На 31 кастрычніка прызначаны выхад Вялікай Брытаніі з Еўразвязу. Апаненты Джонсана абвінавачваюць прэмʼер-міністра ў тым, што ён імкнецца не даць парламенту перашкодзіць ягонаму курсу на жорсткі разрыў з Еўразвязам.

Чаго чакаць ад брэкзіту? Распавядаюць лонданскія беларусы

СК belsat.eu

Глядзі таксама
Каментары