Раніцаю 2 чэрвеня да актора і шоўмена Дзяніса Дудзінскага ды ягонай жонкі Кацярыны Раецкай прыйшлі прадстаўнікі сілавых органаў, паведамляе «Onliner».
Паводле жыхароў дому, у пад’езд зайшлі два мужчыны ў цывільным адзенні. Пазней, у пошуках сведак сярод суседзяў, сілавікі паведамілі, што яны з фінансавай міліцыі.
Тэлефоны Дзяніса і ягонай жонкі пакуль не адказваюць.
Камітэт дзяржкантролю патлумачыў, што ў дачыненні Дзяніса Дудзінскага адбываюцца «правяральныя захады ў пытаннях падаткаабкладання».
Раней Дудзінскі працаваў на дзяржаўным тэлебачанні, вёў «Славянскі базар» і нацыянальны адбор на «Еўрабачанне». Аднак пасля таго, як у жніўні падтрымаў пратэсты, быў звольнены.
АД, belsat.eu