Пазбаўленне волі Максіма Знака было неправамерным. Адпаведнае рашэнне прыняла Рабочая група па адвольных затрыманнях ААН, паведаміў «Еўрарадыё» юрыст Дзмітрый Лаеўскі.
Служба ААН разгледзела скаргу, якую абарона Максіма Знака падала яшчэ 4 кастрычніка 2020 года. Рашэнне групы было зацверджана ў красавіку 2022-га. 21-га траўня 2022 яно было накіравана ў Беларусь.
Працоўная група па адвольных затрыманнях ААН заявіла, што пры пазбаўленні Максіма Знака волі былі парушаныя артыкулы 7, 9, 10, 11, 19, 20 і 21 Усеагульнай дэкларацыі правоў чалавека і артыкулы 9, 14, 19, 22, 25 і 26 пакта аб грамадзянскіх і палітычных правах. Эксперты ААН прызналі арышт Максіма Знака адвольным.
У ААН сцвярджаюць, што затрыманага Максіма Знака трэба неадкладна вызваліць і даць яму права на кампенсацыю. Працоўная група ААН заклікае ўрад Беларусі неадкладна і безумоўна вызваліць палітвязня.
Нагадаем, што Максім Знак уваходзіў у штаб Віктара Бабарыка і займаўся юрыдычнай галіной каманды.
- Юрыст быў арыштаваны 9 верасня 2020 году.
- 18 верасня 2020 Максіму Знаку было прад’яўленае абвінавачванне па ч. 3 арт. 361 Крымінальнага кодэксу (заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь).
- 21 снежня стала вядома, што па даручэнні Генпракуратуры Следчы камітэт распачаў крымінальную справу аб змове з мэтай захопу ўлады неканстытуцыйным шляхам (частка 1 артыкула 357 КК) супраць членаў Каардынацыйнай рады.
- Таксама Максім Знак стала фігуранткай крымінальнай справы аб стварэнні экстрэмісцкага фармавання (артыкул 361-1 КК), узбуджанай супраць Каардынацыйнай рады.
- 11 лютага 2021 году стала вядома, што Максіму Знаку і Марыі Калеснікавай выставілі новыя абвінавачванні: змова з мэтай захопу дзяржаўнай улады неканстытуцыйным шляхам (ч. 1 арт. 357 КК), стварэнне экстрэмісцкага фармавання і кіраўніцтве ім (ч.1 арт. 361-1 КК).
6 верасня 2021 Менскі раённы суд асудзіў Максіма Знака да 10 гадоў пазбаўлення волі ў калоніі ўзмоцненага рэжыму.
Раман Лугоўскі belsat.eu
