Плыні газу па трубаправодзе Ямал – Еўропа з Расеі ў нямецкі Мальнаў упалі да нуля 29 сакавіка. Пра гэта паведамляе «Reuters» са спасылкаю на звесткі аператара «Gascade».
Гэты газаправод праходзіць праз тэрыторыю Беларусі.
Прычыны, праз якую спынілі прапампоўванне газу, пакуль не тлумачаць.
Пры гэтым пастаўкі расейскага газу ў Еўропу па двух іншых ключавых трубаправодах былі ў цэлым стабільныя, перадае выданне. Акрамя таго, газаправод пачаў працаваць «у зваротным напрамку», перадаючы энерганосьбіты з Нямеччыны ў Польшчу.
Учора, 29 сакавіка, у Еўракамісіі паведамілі, што Еўрапейскі Звяз не будзе аплочваць расейскага газу ў рублях. Пра гэта абвясціў прэзідэнт РФ Уладзімір Пуцін 23 сакавіка, сказаўшы, што Расея пяройдзе на аплату паставак газу ў «недружалюбныя краіны» ў рублях.
Гэты ж пытанне падымалі прадстаўнікі краінаў «Вялікай сямёркі», лідары якой таксама адкінулі патрабаванне Крамля.
Раней плынь газу па магістралі Ямал – Еўропа з Расеі ў Нямеччыну спыняўся ў пачатку сакавіка. Пры гэтым з канца лютага газаправод працаваў у пераменным рэжыме: удзень газ пастаўляўся ў Польшчу, уначы – у Нямеччыну.
АД belsat.eu
