Белсат падводзіць вынікі 26 лістапада – чарговага дня няспыннага пратэсту беларусаў супраць фальсіфікацыі выбараў і гвалту сілавікоў.
Аляксандр Лукашэнка сёння вырашыў наведаць лагер мігрантаў у «Брузгах», хоць яшчэ сам напачатку тыдня вінаваціў міжнародныя арганізацыі ў тым, што прыязджаюць да мігрантаў пакрасавацца ды «за нос дзіця пачасаць».
Лукашэнка заявіў мігрантам, што прымусовай рэпатрыяцыі не будзе і паабяцаў не лавіць на мяжы ды спрыяць, нават калі гэта будзе кепска для суседніх краінаў. А заадно і прыгразіў суседзям.
Між тым мігрантаў працягваюць забіраць з Беларусі.
Абмяркоўваюць мігранцкі крызіс не толькі дзейныя ўлады краіны. Ён стаў адной з галоўных тэмаў сустрэчы кіраўнікоў урадаў Польшчы і Нямеччыны – Матэўша Маравецкага і Ангелы Мэркель.
А ў Літве ўвогуле думаюць пачаць міжнародны крымінальны пераслед Лукашэнкі і іншых прадстаўнікоў рэжыму за арганізацыю гандлю людзьмі і бесчалавечнае стаўленне да мігрантаў.
І калі мігрантаў з Беларусі эвакуююць, то супраць беларусаў улады працягваюць рэпрэсіі. Пераследуюць журналістаў.
Актывістаў і іх сваякоў.
І нават пенсіянераў.
Пад зачыстку трапляюць цэлыя выданні і чаты ў сетках.
Фонды па ахове гістарычных помнікаў.
І школы, што навучаюць дзяцей шахматам.
Тым часам курс долара дубінкай і кратамі не ўтрымаць. А ён апошнія дні даволі ўстойліва працягвае расці.
МГ belsat.eu
