Беларус Мікіта Бадзякоўскі ўвайшоў у топ-10 найбольш паспяховых пакерыстаў свету, дзе займае дзясятую пазіцыю. Рэйтынг складае рэсурс thehendonmob.com.
Цяпер у офлайн-турнірах у яго самая вялікая сума прызавых за ўсю кар’еру – $ 35,6 млн.
У спісе найбольш паспяховых пакерыстаў свету беларус месціцца паміж амерыканцамі Філам Айві з $ 37,1 млн на дзявятым месцы і Джэйкам Шындлерам, які на адзінаццатай пазіцыі з $ 35,4 млн.
Першае месца рэйтынгу заняў амерыканец Брын Кені з сумай $ 57,2 млн.
У турніры на Кіпры ў красавіку Мікіта Бадзякоўскі падтрымаў Украіну ў вайне з Расеяй.
Бадзякоўскі маладзейшы за большасць топ-гульцоў – цяпер яму 30 гадоў. Нарадзіўся ў Мазыры, а школьнікам Мікіта паспяхова выступаў на мясцовых і нацыянальных спаборніцтвах па шахматах, услед за сваім бацькам. Аднак з часам зразумеўшы, што кар’ера ў гэтым відзе спорту не дасць добрай фінансавай аддачы, ён захапіўся покерам.
Алена Рувіна belsat.eu