23 студзеня сілавікі ў Беларусі затрымалі ў тым ліку жонку палітыка і палітвязня Міколы Статкевіча Марыну Адамовіч і 76-гадовага актывіста Барыса Хамайду.
Пра затрыманні паведамляюць праваабаронцы.
22 студзеня стала вядома, што сайт арганізацыі «BYSOL» перажыў моцную кібератаку, зробленую на высокім тэхнічным узроўні і праведзеную з дапамогай новых метадаў. На наступны дзень у спісе «экстрэмісцкіх фармаванняў» з’явілася ініцыятыва «INeedHelpBy», якая дапамагае прадуктамі пацярпелым ад палітычных рэпрэсіяў.
Пры гэтым 23 студзеня супрацоўнікі Камітэту дзяржаўнай бяспекі масава пайшлі па сваяках палітвязняў і палітзняволеных, што ўжо выйшлі на волю. Некаторыя затрыманні звязаныя з праектам «INeedHelpBY». Агулам з затрыманнем і ператрусам сутыкнуліся не менш як 60 асобаў.
Якуб Хруст belsat.eu
