Палітвязню, сустаршыні Беларускай хрысціянскай дэмакратыі Паўлу Севярынцу робяць больш жорсткім рэжым зняволення. Пра гэта паведамляе праваабарончы цэнтр «Вясна».
21 чэрвеня ў Шклове адбыўся суд па замене Паўлу Севярынцу рэжыму ўтрымання. Суддзя Аляксандр Тараканаў пастанавіў перавесці палітыка ў турму тэрмінам на тры гады. Хутка яго этапуюць з калоніі.
Палітык знаходзіцца за кратамі з чэрвеня 2020 года. У траўні 2021-га яму прысудзілі сем гадоў калоніі за нібыта падрыхтоўку масавых беспарадкаў. Суд праходзіў у закрытым рэжыме.
У красавіку адміністрацыя папраўчай калоніі № 17 прызнала Севярынца «злосным парушальнікам рэжыму». Яго ўтрымлівалі ў ШІЗА некалькі месяцаў, а потым перавялі ў ПКТ на 3 месяцы. Вядома, што ў яго праз гэта пачаліся праблемы са здароўем.
Якуб Хруст belsat.eu
