Віталя Тысева выпісалі з клінікі ў Берліне, паведамляе «DW Беларусь». Гаворачы пра свае планы, актывіст прызнаўся, што «хоча нармалёвага баршчу».
Пасля выпіскі Віталя Тысева чакае доўгая рэабілітацыя. Лекаванне ён працягне ў польскім Шчэціне.
«Хачу нармалёвага баршчу, а наогул, пакуль што ў планах на жыццё – рэабілітацыя, яна будзе доўгай», – сказаў Тысеў.
Здароўе актывіста пагоршылася пасля збіцця ў РАУСе ў 2020 годзе. Пачаў развівацца агрэсіўны анкілазіруючы спандыліт (аўтаімунная хвароба злучальнай тканкі): зрасліся ўсе суставы хрыбетніка і іншыя суставы. Гэта пагражала паралюшам.
Тысеў з’ехаў у Польшчу, аднак мясцовыя лекары за аперацыю не ўзяліся, як і літоўскія. Пагадзіліся ў берлінскім шпіталі «Шарытэ». Аперацыя была паспяховаю.
Грошы на ратаванне спадара Віталя сабралі талакою.
Сяргей Крот belsat.eu
