Дзяржпагранкамітэт Беларусі зноў абвінаваціў латвійскі бок у збіцці мігрантаў. Увечары 15 снежня на мяжы з Латвіяй беларускія памежнікі знайшлі двух замежнікаў.
Па словах мужчын, яны былі затрыманыя на сумежнай тэрыторыі латвійскімі вайскоўцамі і «жорстка збітыя», паведамляюць у ведамстве.
Сцвярджаецца, што замежнікаў даставілі на мяжу з Беларуссю і пакінулі там. Мужчыны дастаўлены ў Верхнядзвінскую ЦРБ. ДПК заяўляе аб гібелі 13 мігрантаў ля мяжы з Латвіяй сёлета.
Міграцыйны крызіс на мяжы Беларусі і краін ЕЗ пачаўся вясной 2021 года. Афіцыйны Менск рэгулярна абвінавачвае ЕЗ у жорсткасці да мігрантаў, якіх сумежныя краіны выцясняюць на беларускую тэрыторыю.
СП, belsat.eu