Міністэрства ўнутраных спраў прызнала «экстрэмісцкім фармаваннем» «Празрысты Магілёў». У рашэнні МУС гаворыцца аб групе грамадзян «з ліку стваральнікаў, адміністратараў і іншых удзельнікаў рэсурсаў месэнджара Telegram «Празрысты Магілёў».
У адпаведны пералік МУС унесены канал, чат і бот у Telegram з такой назвай. Таксама згадваецца лагатып у выглядзе «аднайменнага надпісу чырвонага колеру на белым фоне».
«Празрысты Магілёў» стаў 185-м фармаваннем у пераліку МУС. Беларускія ўлады рэгулярна выкарыстоўваюць абвінавачанні ў «экстрэмізме» для барацьбы з палітычнымі апанентамі і іншадумствам у цэлым.
Ася Саковіч belsat.eu