Эстонія больш не мае намеру адпраўляць свайго амбасадара ў Менск, таму што гэта «азначала б уручэнне даверчых грамат Лукашэнку», якога Эстонія не прызнае легітымным прэзідэнтам Беларусі, заявіў кіраўнік МЗС Эстоніі Урмас Рэйнсалу. Пра гэта паведамляе партал «BRR.ee».
«Накіраванне пасла азначала бы ўручэнне даверчых грамат Лукашэнкі, які не прызнаецца Эстонскай Рэспублікай легітымным прэзідэнтам, таму ўзровень нашых дыпламатычных зносінаў застаецца на ўзроўні паверанага ў справах», – паведаміў Рэйнсалу.
Генеральны дырэктар аддзелу па сувязях з грамадскасцю МЗС Міхкель Тамм адзначыў, што бягучая сітуацыя дэманструе рэальны стан адносін з Беларуссю і палітычную рэальнасць. Пры гэтым ён зазначыў, што «хоць выдача віз істотна абмежавана, работа з імі ўсё роўна ідзе, і работа пасольства ў Менску па-ранейшаму важная».
Міхкель Тамм дадаў, што намеснік кіраўніка пасольства Індрэк Таранд пачне працу на працягу жніўня.
Алена Рувіна belsat.eu