Сцяг Вялікага Княства Літоўскага з выяваю Пагоні знік з экспазіцыі музею ў данжоне XIII стагоддзя, паведамляе «Наша Ніва».
Сцяг быў на верхнім ярусе вежы, побач з родавым знакам Гедзімінавічаў (Калюмнамі). Цяпер засталіся толькі Калюмны.
«Можна меркаваць, што змены ў экспазіцыі музеі былі звязаныя з візітам у Каменец міністра культуры Анатоля Маркевіча ў сакавіку 2023 года. Сярод іншага, міністр наведваў і Камянецкую вежу», – адзначае «Наша Ніва».
Герб Пагоня – гістарычна-культурная каштоўнасць Беларусі як нематэрыяльная спадчына. Але ўладаў гэта не цікавіць, яны змагаюцца з нацыянальнымі сімваламі з палітычных прычынаў.
Чыноўнікі спрабуюць змагаюцца, як з Пагоняй і бел-чырвона-белым сцягам, гэтак і з памяццю пра паўстанне Кастуся Каліноўскага. Напрыклад, у Свіслачы перайменавалі гімназію імя Каліноўскага, у Горадні знік знак у гонар паўстання. Нават «Каласы пад сярпом тваім» Уладзіміра Караткевіча знялі са школьнай праграмы.
Арсен Рудэнка belsat.eu