Суддзя Святлана Мятлёнак з Ленінскага раённага суду Менску пастанавіла аштрафаваць палітыка на 1150 рублёў (50 базавых).
Сам Уладзімір Някляеў на суд не прыйшоў, рашэнне вынеслі завочна.
Судзілі яго, як і іншых удзельнікаў акцыі, за тое, што выкрыкваў лозунгі «Баста» і «Жыве Беларусь», а пасля ўдзельнічаў у несанкцыянаваным шэсці.
Уручыўшы позву за ўдзел у акцыі 1 траўня, міліцыянты параілі чакаць «трайнога тарыфу» – 15 содняў замест 5. Такое пакаранне прызначаюць тым, хто цягам года пасля апошняга адміністратыўнага парушэння здзейсніў яшчэ адное падобнае.
- Някляеў: Цягаюся па турмах і аддаю апошнія гады жыцця, каб не стала гэтага рэжыму
- Севярынец і Вінярскі распавялі пра ціск у турме
- Някляеў пра Акрэсціна: Ляжыш і дзярэш на сабе жыўцом скуру
Уладзімір Някляеў выйшаў з Акрэсціна 11 траўня: ён адбываў 5-цідзённы арышт за ўдзел у Маршы абураных Беларусаў 17-га лютага. У камеры ў палітыка здарыўся гіпертанічны крыз, але, паводле Някляева, ахоўнікі не выклікалі хуткай і не выдавалі лекаў у належны час. Папярэдні крыз палітык перажыў напрыканцы сакавіка, калі яго знялі з цягніка ў Берасці ды адправілі ў ізалятар часовага ўтрымання напярэдадні Дня Волі.
ДР belsat.eu
