Тэрарыст пратараніў на смеццявозе з выбухоўкай кантрольна-прапускны пункт у горадзе Эль-Арыш, што на поўначы Сіная. Пасля першага выбуху супольнікі смяротніка адкрылі агонь па ўчастку з процітанкавых гранатамётаў. У выніку будынак быў практычна цалкам знішчаны.
Загінулі як мінімум 10 чалавек (у тым 9 паліцыянтаў і адзін мірны жыхар), шмат людзей атрымалі раненні.
Нападнікі планавалі яшчэ адзін тэракт на іншых прапускны пункт, аднак паліцыя спыніла тэрарыстаў. Адзін з праваахоўнікаў загінуў у перастрэлцы.
Пакуль ніхто не ўзяў адказнасць за напад. Раней падобныя напады прыпісвала сабе экстрэмісцкая арганізацыя «Ісламская дзяржава».
- Як жыць з тэрарызмам у 2017-ым?
- Тэракт у Емене. Ахвярамі тэрарыстаў сталі 49 асобаў
- Курдскія баевікі ўзялі на сябе адказнасць за выбухі ў Стамбуле
Цягам апошніх дзён дзясяткі людзей загінулі і сотні атрымалі раненні ў тэрактах у Ізраілі, Іраку ды Турцыі.
У нядзелю 8 студзеня ў Іерусаліме грузавік урэзаўся ў групу ізраільскіх вайскоўцаў. 4 асобы загінулі, 15 параненыя. У Багдадзе 8 студзеня два выбухі прагрымелі на рынку. Загінулі калі 20 чалавек. 5 студзеня выбуховая прылада спрацавала ля будынку суда ў турэцкім Ізміры. Загінуў паліцэйскі і супрацоўнік суда.
ДР belsat.eu паводле AP
