Новы фігурант справы пра Плошчу-2010: Жыхар Рудзенску трымае галадоўку ў СІЗА


Праваабарончы цэнтр «Вясна» паведамляе, што ў СІЗА №1 у Менску пад вартай знаходзіцца жыхар пасёлка Рудзенск, якога падазраюць ва ўдзеле ў масавых закалотах на Плошчы-2010. Мужчына абвесціў доўгатэрміновую галадоўку.

Уладзіміра Кондруся, 1977 года нараджэння, узялі пад варту 14 чэрвеня ў межах папярэдняга расследавання за ягоны меркаваны ўдзел у масавых беспарадках каля Дому Урада падчас выбараў прэзідэнта ў 2010 годзе.

Следчы камітэт распавёў пра крымінальную справу супраць удзельніка Плошчы-2010

Цяпер у СІЗА ён трымае доўгатэрміновую галадоўку на знак пратэсту супраць зняволення. Стан яго здароўя пагоршыўся, у сувязі з чым Кондрусь пераведзены ў санчастку СІЗА.

Праваабаронцы перакананыя, што Уладзімір Кондрусь абвінавачваецца па арт. 293 Крымінальнага кодэкса (масавыя беспарадкі). Па гэтым артыкуле ў 2011 годзе было асуджана 49 чалавек, многія з пазбаўленнем волі на розныя тэрміны.

Усе асуджаныя па падзеях Плошчы-2010 пазней былі затым амніставаныя або памілаваныя прэзідэнтам і вызваленыя з месцаў пазбаўлення волі. На сённяшні дзень вядомы толькі адзін фігурант справы аб масавых беспарадках 19 снежня. Гэта былы кандыдат у прэзідэнты Алесь Міхалевіч, справа якога на гэты момант прыпыненая.


Што адбывалася на Плошчы-2010?

Драматычныя падзеі снежня 2010 года, следчая, судовая і турэмная сістэмы паказваюцца ў фільме «Даволі! Да Волі…» вачыма ўдзельнікаў таго мірнага пратэсту, якія прайшлі праз пекла турмаў. Людзі страцілі працу, вучобу, перанеслі жорсткія фізічныя і маральныя катаванні. Глядзіце фільм “Белсату”.

МЛ, паводле spring96.org

Глядзі таксама
Каментары