Увечары 4 жніўня каля Крымскага маста адбыўся выбух. Пазней стала вядома пра атаку ўкраінскіх беспілотнікаў на расейскі танкер «Sig». Паводле Telegram-каналу, танкер атрымаў пашкоджанні і не можа самастойна перасоўвацца.
Кіраўнік Службы бяспекі Украіны Васіль Малюк раніцаю 5 жніўня апавёў, што любыя інцыдэнты з караблямі Расеі або Крымскім мостам ёсць спецаперацыямі Украіны, і гэтыя аперацыі, паводле яго, цалкам законныя.
У сваю чаргу РосМорРечФлот пацвярджае, што 4 жніўня ўвечары атрымаў пашкоджанні танкер «Sig». На борце былі 11 асобаў экіпажу. Танкер атрымаў пашкоджанні ў выніку атакі марскога дрона. Расейцы пачалі ратавальную аперацыю.
Паведамляюць, што ў выніку атакі экіпаж не пацярпеў. Танкер перавозіў паліва для самалётаў з Крыму ў Сірыю. Нафтапрадукты пасля нападу ў мора не трапілі.
Алена Аляксандрава belsat.eu
