Працаўнікі Гомельскай мытні знайшлі ў купэ пасажырскага цягніка Кіеў – Санкт-Пецярбург пісталет.
З-за гэтага давялося на 2,5 гадзіны затрымаць цягнік, паведамляе прэс-служба Дзяржаўнага памежнага камітэту.
Цягнік ехаў з Украіны праз пункт мытнага афармлення «Церуха».
Зброю знайшлі з дапамогай сабакі, пісталет ляжаў пад паліцаю пасажырскага сядзення на падлозе. На месца выклікалі працаўнікаў Гомельскага РАУС. Для высвятлення акалічнасцяў цягнік прыйшлося затрымаць прыкладна на 2,5 гадзіны.
Цяпер праводзяць праверку, прызначаная балістычная экспертыза.
НМ, belsat.eu