Менчукі пра давер да міліцыі: Гэтым структурам ніхто ніколі не давяраў і давяраць не будзе
У інтэрнэце збіраюць подпісы за адстаўку кіраўніка МУС Ігара Шуневіча. За адхіленне яго ад пасады ўжо прагаласавалі больш за 2 тысячы беларусаў.
У сваім звароце стваральнікі петыцыі апісваюць больш за дзясятак гісторыяў, у якіх менавіта міліцыянты былі датычныя да абразаў, калецтва ды нават смерці грамадзянаў. Пры гэтым усе гісторыі адбыліся сёлета. Сярод іншага падпісанты звяртаюць увагу на выпадак у Століне, калі інспектар РАСУ збіў 9-гадовага школьніка.
- Дашкевіч – міліцыянтам: «Калі вы заклапочаныя, смакчыце дубінку ўдома»
- Былы міліцыянт абвінавачвае журналіста Кастуся Жукоўскага ў «нападзе»
Журналісты «Белсату» распыталі менчукоў ці давяраюць яны праваахоўным органам.
«З цяжкасцю давяраю. Розныя сітуацыя бываюць. У адной дастойна сябе паводзяць, але часамі сутыкаешся з хамствам», – кажа малады хлопец.
«Пытанне амаль філасофскае. Ва ўсе часы гэтым структурам ніхто ніколі не давяраў і давяраць не будзе, але яны неабходныя», – разважае мінак.
Яшчэ адна мянчанка кажа, што міліцыянты працуюць згодна з тым, як ім плацяць.
«Давяраю, мы можам бяспечна перамяшчацца па горадзе ў любы час дня і начы. А памыляцца можа кожны чалавек, ён жа не святы», – лічыць мужчына.
Больш глядзіце ў відэа.
ДР belsat.eu
